इच्छाखबर संवाददाता
कुरिनटार, ११ फागुन । प्रतिनिधी सभा विघटन गर्ने सरकारको निर्णय बदर गर्दै १३ दिन भित्रमा संसद पुनःस्थापना गर्न सर्वोच्च अदालतले फैसला गरेको खुसयालीमा चितवनको इच्छाकामना गाउँपालिका ४ कुरिनटारमा दीप प्रज्वलन गरिएको छ। अदालतको फैसलाको खुशीयालीमा नेकपा प्रचण्ड–माधव समूहले कुरिनटारमा अहिले साँझ दिप प्रज्वलन गरिएको हो।
नेकपा प्रचण्ड माधव – समूहका नेता प्रताप गुरुङ , जुना राजभण्डारी, सावित्रा सिलवाल हरि बहादुर थापा लगायत स्थानीय नेता कार्यकर्ताहरुले कुरिनटारमा दीप प्रज्वलन गरिएको थियो। दीप प्रज्वलन कार्यक्रमलाई सम्बोधन गर्दै अदालतले सत्य र न्यायको पक्षमा फैसला गरेको नेकपा चितवनका सचिवालय सदस्य तथा इच्छाकामनाका इन्चार्ज प्रताप गुरुङले बताउनुभयो । आज देशभर दीप प्रज्वलन गरिएको छ । यसैबिच चितवनमा भोलीको हुने भनिएको विरोध सभा विजयी सभाको रुपमा मनाउने भएकाले इच्छाकामनाबासीहरुलाई निर्धारित समयमै भरतपुर जानका लागि जिल्ला सदस्य तथा इच्छाकामनाका सह–इन्चार्ज जुनाराज भण्डारीले आवहान गर्नुभयो ।
