इच्छाखबर संवाददाता
कुरिनटार : सांगेतिक स्टेज कार्यक्रम र टिकट, फेसबुक लगायत सामाजिक सञ्जालमा गीत गाएर चर्चा बटुल्न सफल सुमधुर आवाजकी धनी गायिका चितवनको इच्छाकामनाकी रुपा गुरुङको पहिलो लोकदोहोरी गीत “मेरो माया कहाँ छ” सार्वजनिक भएको छ ।
नेपाली लोक तथा दोहोरी गीत क्षेत्रमा चर्चा कमाउन सफल इच्छाकामनाकै सितल गुरुङ र रुपा गुरुङको आवाजमा रहेको लोकदोहोरी गीत युटुब मार्फत सार्वजनिक गरिएको हो। रुपाको यो पहिलो गीत हो ।
इमेज लोक कलाकार सिजन –२ पब्लिक च्वाईस अवार्ड विजेता सितलले भने यसअघि झण्डै एक दर्जन गीतमा आफ्नो स्वर भरीसकेका छन् । हेर्नु एकै छिन, मत तिम्रै मायामा हराउँदै गए, ढाट्यो जिन्दगीले , सुर्तै मायाले लगायत दर्जन गीत गाइसकेका सितल अहिले विभिन्न युटुब च्यानलहरुमा लाइभ दोहोरीमा व्यास्त छन् । ।
गोरखाली चर्चित सर्जक रमेश परियारको उत्कृष्ट शब्द रहेको गितमा लोकप्रिय चर्चित मोडल विमल अधिकारी र अनु शाहको डान्सिङ फिचर्ड रहेको छ , भने काजिश श्रेष्ठको निर्देशन रहेको छ ।
उक्त गीलाई भावना म्यूजिक सोलुसनको अफिसियल युटुव च्यानलबाट बजारमा सार्वजनिक गरिएको हो ।
