इच्छाखबर संवाददाता
कुरिनटार २ भदौ । बिश्वब्यापी संक्रमण फैलिएको कोभिड १९ कोरोना भाइरसको संक्रमण चितवनमा ह्वात्तै बढेको छ। चितवनको माडी नगरपालिका बाहेक सबै स्थानीय तहमा रोग नियन्त्रण तथा रोकथामको लागिअसार ३२ गतेबाट निशेधआज्ञा जारी गरिएको भए पनि रोग संक्रमणको दर झन बड्दै गएको छ। भरतपुर स्थित कोभिड १९ परिक्षण प्रयोगशालामा हिजो गरिएको ३५५ वटा नमुना मध्य चितवनको ४६ जना सहित ५० जनाको नमुनामा कोभिड १९ संक्रमण देखिएको छ। भरतपुर सेन्ट्रल हस्पिटल र भरतपुर हस्पिटलमा उपचार गराइ रहेका भरतपुर महानगर पालिका वडा ५,७,८ र १० का ४ जना महिला त्यस्तै राप्ती नगरपालिकाका ४० जना पुरुष र २ महिला सहित ४२ जनामा कोभिड १९ पुष्टि भएको छ । उनिहरु प्रहरी क्वारेन्टाइनमा रहेको बुझिएको छ। चितवनमा संक्रमित ह्वात्तै बढे संगै उपचारको लागि आइसोलेसन कक्षको अभाव भएको छ।
