साहित्यकार तेज विलासको (गित/गजल)
गीत/गजल
- तेज विलास
रुनपनि नभ्याइने एकान्तको बास मेरो
छुनपनि नसकिने अनन्तको त्रास मेरो ।
पीडै पीडा खातै - खात कसलाई पो देखाउनु
कहिले कतै नमेटिने अन्तरको आश मेरो।
आफु तान्छु एकातिर अर्कोतिर बज्रिदिन्छ
एकान्त नै प्यारो लाग्ने बिना दारु मात मेरो ।
जति टाठा भाग्न खोज्छु कठिन मोड पछ्याउँछ
शान्तिपूर्वक बिताउन छैन सम्यक श्वास मेरो।
पद पैसा प्रतिष्ठामा कुदिरैछन मान्छेहरु
सामान्य यो पथ पुरा के होला खै आश मेरो।
...