इच्छाखबर संवाददाता
कास्की : एकजना फ्रान्सेली नागरिकलाई प्रहरीले बाल यौन दुराचारमा गरेको आरोपमा पोखराबाट पक्राउ गरेको छ । केन्द्रीय अनुसन्धान ब्यूरोको टोलीले पोखरा महानगरपालिका–१७ बिरौता पावर हाउस फुर्सेखोला बगरबाट क्रिस्टियन सर्ज हेनरी नौगारेटलाई पक्रेको हो ।
मंसिर १५ मा पक्राउ गरिएका ६० वर्षीय नौगारेट अवकास प्राप्त इन्जिनियर हुन् । गैरपर्यटकीय भिसामा नेपालमा बसिरहेका नौगारेटले ३ जना नाबालकलाई यौन दुराचार गरेको ब्यूरोका प्रवक्ता (एसपी)बेल बहादुर पाण्डेले बताए ।
फ्रान्समा सरकारी सेवाबाट अवकास पाएपछि उनी गैरपर्यटकीय भिसा लिएर केही सयमदेखि पोखरामा बस्दै आएका थिए । प्रहरीले पीडित नाबालकलाई उद्धार गरेर अभिभावकको जिम्मा लगाइएको छ ।
नौगारेट विरुद्ध बालयौन दुरुपयोग र अप्राकृतिक मैथुन गरेको कसुरमा थप अनुसन्धान गरेर कारवाही गरिने सीआईबीले जनाएको छ ।
