इच्छाखबर संवाददाता
सिन्धुली : आफुलाई धर्म गुरु बताउने तपस्वी रामबहादुर बमजनविरुद्ध पक्राउ पूर्जी जारी भएपछि प्रहरी टोली उनलाई खोज्दै सिन्धुलीको आश्रममा पुगेको छ। तपस्वी बम्जनमाथि आनी र अनुयायीलाई वेपत्ता पारेको आरोप छ ।
जिल्ला प्रहरी कार्यालय सिन्धुलीका प्रवक्ता एवम् डिएसपी श्यामबहादुर खत्रीले आफूहरु जंगलको बीचमा रहेको बमजनको आश्रममा आएको बताए । खत्रीले भने, ‘हामीहरु आश्रममा आएका छौं, तर उनलाई ९बमजन०लाई फेला पारेका छैनौं ।’
जिल्ला अदालत सर्लाहीले बमजनलाई पक्राउ गर्न प्रहरीलाई बिहीबार अनुमति दिएको थियो । बमजनविरुद्ध पक्राउ पूर्जी जारी भएको यो पहिलो पटक हो ।
बमजनमाथि आश्रमबाटै आनी र अनुयायीहरु वेपत्ता पारेको आरोप लागेको छ । सर्लाहीकी रिता वोट, नुवाकोटकी कर्मा तामाङ, मकवानपुरकी फूलमाया रूम्बा, सुरेश आलेमगर र सञ्चमान वाइवा बेपत्ता रहेको स्थानीयको भनाइ छ । व्यक्ति वेपत्ताको सूचना पाएपछि प्रहरीले अनुसन्धान सुरु गरेको थियो ।
यसअघि गत वर्ष पुसमा जिल्ला प्रहरी कार्यालय सिन्धुपाल्चोक र केन्द्रीय अनुसन्धान ब्यूरो ९सीआईबी० को टोलीले इन्द्रावती गाउँपालिका(६ स्थित आश्रममा पनि छापा मारेको थियो ।
