इच्छाखबर संवाददाता
कार्यक्रमको विशेष आकर्षणस्वरूप आयोजित धान रोपाइँ प्रतियोगितामा दुर्गा रेग्मी प्रथम, कल्पना रोका द्वितीय तथा सरस्वती अर्याल तृतीय स्थान हासिल गर्न सफल भए। उनीहरूले क्रमशः नगद रु. ५,०००, रु. ३,००० र रु. १,५०० पुरस्कार प्राप्त गरे।
त्यसैगरी, हिलोमा डोरी तान्ने प्रतियोगिता पनि निकै रमाइलो र उत्साहपूर्ण रह्यो। प्रतियोगितामा जनक बहादुर प्रजा, कुलबहादुर चेपाङ, राजेन्द्र चेपाङ र बलबहादुर चेपाङको समूहले प्रथम स्थान प्राप्त गर्दै रु. १०,००० जित्यो। ईश्वर अधिकारी, अश्मिर भुजेल, मदन अधिकारी, सुरेश उपरकोटी र कान्छा विकको समूहले द्वितीय स्थान प्राप्त गर्दै रु. ५,००० जित्यो भने उद्धव चेपाङ, प्रवेश कुशवाहा, राजकुमार चेपाङ, अनिल यादव र सन्दीप कुशवाहाको समूहले तृतीय स्थान प्राप्त गर्दै रु. २,५०० नगद पुरस्कार प्राप्त गरे।
कार्यक्रमले कृषिप्रति सम्मान, सहकार्य र स्थानीय उत्पादनमा आत्मनिर्भर बन्ने सन्देश प्रवाह गरेको सहभागी कृषकहरूले बताएका छन् ।
