इच्छाखबर संवाददाता
कुरिनटार,२७ माघ : चितवनमा खसी र बोका बोकेको ट्रक दुर्घटना भएको छ । इलाका प्रहरी कार्यालय मुग्लिनका प्रमुख प्रहरी निरीक्षक निरला भण्डारीका अनुसार आज(आइतबार) विहान ६ : ३० बजेको समयमा पृथ्वीराजमार्ग अन्तरगत चितवनको इच्छाकामना ४ लेवाटारमा बर्दियाबाट काठमाडौँ तर्फ खसी र बोका लिएर जादैँ गरेको भे १ क २३६२ नम्बरको मिनी ट्रक अनियन्त्रित भइ पल्टिएर दुर्घटना भएको हो । दुर्घटनामा परि खसी र बोका गरि १९ वटा मरेको उहाँले जानकारी दिनुभयो । उक्त ट्रकमा १४३ वटा खसी–बोका रहेको प्रहरीले जनाएको छ ।
