इच्छाखबर संवाददाता
काउले : नेकपा माओवादी केन्द्र इच्छाकामना गाउँपालिका २ को अध्यक्षमा सुक बहादुर गुरुङ चयन हुनुभएको छ । आज माथिल्लो काउलेमा सम्पन्न वडा सम्मेलनले गुरुङलाई अध्यक्षमा चयन गरिएको छ ।
यसेबिच उपाध्यक्षमा दीपक मगर, सचिवमा विपिन मगर र कोषाध्यक्ष पार्वती थापालाई चयन गरिएको छ ।
नेकपा माओवादी केन्द्र वडा नम्बर २ का अध्यक्ष प्रकाश बुढाथोकीको सभापतित्व तथा इच्छाकामनाका इन्चार्ज प्रताप गुरुङको प्रमुख अतिथ्यतामा सम्मेलन सम्पन्न भएको हो ।
सम्मेलनमा गाउँपालिका संयोजक सावित्री सिलवाल, सचिव रामहरि कडेँल , वडा नम्बर १ का वडाध्यक्ष सन्त बहादुर राना लगायतको आतिथ्यता रहेको थियो ।
