इच्छाखबर संवाददाता
आँबुखैरेनी : तनहुँको आँबुखैरेनीबाट नियन्त्रित लागु औषध सहित एक जना पक्राउ परेका छन । इलाका प्रहरी कार्यालय आँबुृखैरेनीका अनुसार आँबुखैरेनी गाउँपालिका वडा नं.४ स्थित पृथ्वी राजमार्ग सडक–खण्डमा प्रहरी टोलीले सवारी साधनहरु चेकजाँच गर्ने क्रममा नियन्त्रित लागु औषध सहित शुक्लागण्डकी नगरपालिका ८ बस्ने वर्ष ३५ को राज कुमार सेनलाई पक्राउ गरिएको हो । पक्राउ परेका सेनको साथबाट यात्रुवाहक माईक्रो बसमा काठमाण्डौबाट पार्सलको रुपमा लुकाई छिपाई पठाइएको अवस्थामा डाइजेपाम ४३ एम्पूल, फेनारगन४३ एम्पूल र बुप्रेनोर्फिन ४३ एम्पूल गरी जम्मा १२९ एम्पूल नियन्त्रित लागु औषध बरामद गरेको प्रहरी निरीक्षक टेक प्रसाद सुबेदीले जानकारी दिनुभयो ।सेनलाई पक्राउ गरी थप अनुसन्धान कार्य भइरहेको उहाँको भनाई रहेको छ ।
