इच्छाखबर संवाददाता
हीरालाल गुरुङ
फिस्लिङ : चितवनको इच्छाकामना गाउँपालिकाले चिस्यान केन्द्र निर्माण गरेका छन् । किसानहरुको उत्पादनलाई भण्डारण गर्न लागि वडा नम्बर ३ स्थित फिस्लिङमा रहेको कृषि भवनमा गाउँपालिकाले चिस्यान केन्द्र निर्माण गरेका हुन् ।
चिस्यान केन्द्र निर्माणको काम अन्तिम चरणमा रहेको र चाडैँ सञ्चालनमा ल्याउने तयारीमा भइरहेको गाउँपालिका अध्यक्ष दान बहादुर गुरुङले बताउनुभयो ।चिस्यान केन्द्रको अभावमा किसानले सस्तोमा तरकारी तथा फलफुल बेच्नुपर्ने बाध्यताको अन्त्य गर्न गाउँपालिकाले चिस्यान केन्द्र निर्माण गरिएको अध्यक्ष गुरुङको भनाई छ । “उत्पादन भएका फलफुल तरकारी कुहिएर जाने भएका कारण सस्तोमा बिक्री गर्न किसानहरु बाध्य छन । उहाँले भन्नुभयो, चिस्यान केन्द्रमा राखेर जुनसुकै बेलामा पनि बिक्री गरि मनग्य आम्दानी गर्न सकिन्छ ।” किसानहरुको माग र आवश्यकताको आधारमा थप चिस्यान केन्द्रहरु निर्माण गर्ने उहाँले बताउनुभयो ।
अध्यक्ष गुरुङका अनुसार कृषिजन्य उत्पादनको संकलन तथा बिक्री वितरणका लागि भनेर कृषि भवन नै निर्माण गरेका हुन् । उक्त भवनमा स्थानीय दुई वटा कृषि सहकारी र कृषि समूहहरुसँग सहकार्य गरेर किसानको तरकारी बिक्री वितरण गर्ने व्यवस्था मिलाएको छ ।
चिस्यान केन्द्र निर्माण सम्पन्न भएपछि उक्त सहकारीहरु मार्फत कृषि भवनमा काँटा गरेका तरकारीहरु तत्काल बिक्री नभए उक्त चिस्यान केन्द्रमा भण्डारणको व्यवस्था गरिने छ । अन्य व्यापारीहरुले किसानको तरकारी तथा फलफुल काटाँ गर्दा लिने शुल्क भन्दा कम मुल्यमा काँटा गर्ने व्यवस्था मिलाएको उहाँको भनाई छ । उक्त सहकारीहरु मार्फत किसानलार्ई विउविजन मल र आवश्यक औजारहरु सुपथ मुल्यमा उपलब्ध गराइने अध्यक्ष गुरुङले बताउनुभयो ।
कृषि भवनमा कोसेली घर समेत सञ्चालन गर्ने अध्यक्ष गुरुङको भनाई छ । काठमाडौँ भित्रिने तथा बाहिरिने मुख्य राजमार्गमा रहेको यस भवनबाट इच्छकामनामा उत्पादन भएका स्थानीय उत्पादनहरुको अवलोकन तथा विक्री वितरण गरिने व्यवस्था मिलाइने छ ।
अहिले भवनको माथिल्लो तलाको केही बाँकी निर्माणका काम भइरहेको र यस आर्थिक बर्ष भित्र सम्पन्न गरिने छ । हाल तल्लो तलामा रहेका सटरहरुबाट किसानको तरकारी संकलन तथा बिक्री वितरण भइरहेको छ । गाउँपालिकाले किसानहरुको उत्पादन बजारसम्म पु¥याउन सहजता लागि तीन वटा एम्बुलेन्स समेत सञ्चालन गरिरहेको छ । पहाडी भुभाग रहेको यस इच्छाकामना गाउँपालिका तरकारी तथा फलफुलखेतीका लागि उर्वर भूमि मानिन्छ । गाउँपालिकाले किसानहरुलाई आत्मनिर्भर बनाउनका लागि विभिन्न अनुदानका कार्यक्रमहरु समेत सञ्चालन गरिरहेको अध्यक्ष गुरुङको भनाई छ ।
