इच्छाखबर संवाददाता
धादिङ : स्वर्गिय अञ्जन सिलवाल स्मृति कप २०८१ खुल्ला पुरुष भलिबल प्रतियोगिता हुने भएएको छ । अन्जन सिलवाल स्मृति प्रतिष्ठानले बेनीघाट रोराङ ९ मझिमटारको खेल मैदानमा असोज ४ गतेबाट खुल्ला पुरुष भलिबल प्रतियोगिताको आयोजना गर्ने भएको हो ।
प्रतियोगिताका विजेताले रु ५० हजार नगद पुरस्कारसहित कप मेडल र प्रमाणपत्र प्राप्त गर्ने छ । यसैबिच द्वितियलाई २५ हजार तृतियलाई २० र सान्तोनालाई ५ हजार नगद सहित कप,मेड, प्रमाणपत्र प्रदान गर्नुका साथै उत्कृष्ट विभिन्न ७ विद्यामा पनि पुरस्कार सगैँ हरेक खेलमा उत्कृष्ट १ खेलाडीको सम्मान गर्ने आयोजकले जनाएको छ।
यस प्रतिष्ठानले गत वर्ष खुल्ला क्लब स्तरीय फुटबल आयोजना गरेको थियो ।
स्व. अन्जन सिलवाल बेनीघाट रोराङ ९ चौकीटार निवासी ३४ बर्षिया युवा ब्यवसायी तथा बेनीघाट रोराङ ९ को माओबादी केन्द्रका सचिव थिए । उनकोे मोटर साइकल दुर्घटनामा परि निधन भएको थियो । आफ्नो दाजु स्व.अन्जन सिलवालको नाममा यस संस्था स्थापना गरिएको र हरेक बर्ष असोज ४ मा उनको जन्मदिन पारेर “स्व.अन्जन स्मृति कप” को आयोजना गर्ने र खेलकुद संगै शिक्षा,स्वास्थ्य र अन्य क्षेत्रमा पनि सक्रियरहने संस्थाका अध्यक्ष अनिल सिलवालले बताए ।
