इच्छाखबर संवाददाता
चितवन : नारायणगढ–मुग्लिन सडक खण्डमा ट्रक र बलेरो एकापसमा ठक्कर खाँदा एक जना घाइते भएका छन् । जिल्ला प्रहरी कार्यालय चितवनका अनुसार नारायणगढदेखि मुलिनतर्फ जाँदै गरेको लु १ ख ९५५३ नम्बरको को ट्रक र विपरीत दिशाबाट जाँदै गरेको ना ४ च ५१०६ नम्बरको बलेरो भरतपुर महानगरपालिका २९ स्थित सत्र किलोमा एकापसमा ठक्कर खाँदा बलेरोमा सवार भरतपुर २९ का २३ बर्षिय सागर चेपाङ घाइते भएका हुन् । उनको अवस्था मध्यम रहेको र उपचारको लागि पुरानो मेडिकल कलेज भरतपुर पठाइएको जिल्ला प्रहरी कार्यालय चितवनका प्रहरी निरीक्षक लक्ष्मण केसीले जानकारी दिनुभयो । दुवै सवारी साधनमा क्षति भएको र घटनास्थलमा रहेको बलेरो चालक फरार रहेको उहाँले बताउनुभयो । ट्रक चालक नवलपरासीको रामग्राम नगरपालिका ६ बस्ने वर्ष ४१ को जितबहादुर हरिचन भने प्रहरी नियन्त्रणमा रहेको छ ।
