इच्छाखबर संवाददाता
चितवन : रत्ननगरमा कन्टेनर र मोटरसाइकललाई एकापसमा ठक्कर खाँदा एक जनाको मृत्यु भएको छ । जिल्ला प्रहरी कार्यालय चितवनका अनुसार बिरगञ्जबाट कुखुराको दाना लोड गरि भरतपुर तर्फ आईरहेको ना ८ख २८१८ नम्बरको कन्टेनर र बिपरित दिशाबाट गईरहेको बागमती प्रदेश ०६–००३प ४८५१ नम्बरको मोटरसाइकल सोमबार बिहान २ ः १० बजे रत्ननगर नगरपालिका ३ शान्तिचोकमा एकापसमा ठक्कर खाँदा मोटरसाइकल चालक रत्ननगर नगरपालिका १५ बस्ने बर्ष ३४ को जीवन मग्राती गम्भीर घाइते हुनुभएको थियो ।
घाइते मग्रातीको उपचारको क्रममा सोमबार बिहान २ : ४२ बजे बकुलहर अस्पताल टाँडीमा मृत्यु भएको जिल्ला प्रहरी कार्यालय चितवनका प्रहरी नायव उपरीक्षक भेषराज रिजालले बताउनुभयो ।
शवलाई पोष्टमार्टमका लागि भरतपुर अस्पताल लगिएको उहाँले जानकारी दिनुभयो । ठक्कर दिने कन्टेनर र चालक बाराको गडीमाई नगरपालिका ५ बस्ने बर्ष ३६ को श्याम सुन्दर सहनी प्रहरीको नियन्त्रणमा रहेको छ ।
