इच्छाखबर संवाददाता
कुरिनटार : नेकपा एमाले इच्छाकामना गाउँपालिका वडा नं ४ को वडाध्यक्षमा घनश्याम सिलवाल ‘भोला’ सर्वसम्मत निर्वाचित भएको छ । आज मंगलबार सम्पन्न एमाले इच्छाकामना ४ को दोस्रो वडाअधिवेशनले सिलवालको अध्यक्षतामा ३५ सदस्यीय नयाँ वडासमिति चयन गरेको हो ।
अधिवेशनले समितिको उपाध्यक्षमा बुद्धिबल राना, सचिवमा तुलसी त्रिपाठी, उपसचिवमा राजु थापा मगर र फुलमाया गुरुङलाई सर्वसम्मत चयन गरेको छ ।
इच्छाकामना ४ का वडाकमिटि अध्यक्ष रामचन्द्र त्रिपाठीको सभापतित्वमा सम्पन्न अधिवेशनको समुद्घाटन समारोहको प्रमुख अतिथि बागमती प्रदेशका वन तथा वातावरण मन्त्री एवं नेकपा एमाले बागमती प्रदेश कमिटि सदस्य कृष्ण सिलवाल रहनुभएको थियो भने कार्यक्रममा नेकपा एमाले चितवन जिल्ला अध्यक्ष कमलराज पाठक, सचिव प्रकाश ढुङ्गाना, जिल्ला सदस्य एवं जिल्ला समन्वय समिति चितवन प्रमुख नारायण प्रसाद अधिकारी, जिल्ला सदस्य एवं इच्छाकामना गाउँपालिका अध्यक्ष दान बहादुर गुरुङ विशिष्ट अतिथि रहनुभएको थियो ।
कार्यक्रममा अतिथिको रुपमा नेकपा एमाले चितवनका जिल्ला सदस्यहरु रुद्र उप्रेती, जुना राजभण्डारी, ज्ञानु पाण्डे, माया सिलवाल लगायतको सहभागीता रहेको थियो ।
