इच्छाखबर संवाददाता
आँबुखैरैनी : तनहुँको आबुखैरेनी स्थित मर्स्याङ्दी नदीमा बस खसेको छ । आँबुखैरेनी गाउँपालिका वडा नम्बर–२ स्थित ऐना पहराबाट मर्स्याङ्दी बस खसेको हो ।
पोखराबाट काठमाडौँ जाँदै गरेको युपी ५३ एफटी ७६२३ नम्बरको बस दुर्घटनामा परेको जिल्ला प्रहरी कार्यालय तनहुँका डीएसपी दीपककुमार रायले बताए । बसमा ४० जना जति यात्रु रहेको उनको भनाई छ । अहिले प्रहरी घटना स्थलमा पुगेर उद्धार कार्य गरिरहेको छ । थप विवरण आउन बाँकी छ ।
तस्बिर : रुपेश तामाङ
