इच्छाखबर संवाददाता
कुरिनटार : चितवनको इच्छाकामना गाउँपालिका ३ स्थित धुषामा वृक्षारोपण गरिएको छ । अन्तर्राष्ट्रिय युवा दिवसको अवसरमा आज सडक छेउछाउ र पखेराहरुमा क्याप प्रोजेक्टद्वारा सञ्चालित क्रिएशन नेपालको आयोजनामा वृक्षारोपण गरिएको हो ।
संस्थाकी इच्छाकामना संयोजक सुमित्रा चेपाङको संयोजनमा उक्त वृक्षरोपण कार्यक्रम सम्पन्न भएको हो ।
म्यागोस्टिक २००, राजबृक्ष १० र अमलाका ५ वटा विरुवा सडकको छेउमा रोपिएकोे छ । यस्तै २०० टाँकी र ५० वटा कोईरालोको विरुवा पखेराहरुमा रोपिएको संयोजक सुमित्रा चेपाङले जानकारी दिनुभयो । वृक्षारोपण कार्यक्रममा ३३ जना सहभागिता रहेको थियो ।
