इच्छाखबर संवाददाता
आँबुखैरेनी : तनहुँमा दुई वटा बस अनियन्त्रित भएर दुर्घटना भएको छ । आँबुखैरेनी गाउँपालिका ३ मिलनचोकमा आज बिहान लमजुङबाट नारायणगढ तर्फ जादै गरेको ग १ ज ८२९४ नम्बरको बिद्युतीय माइक्रो बस र दमौलीबाट मुग्लिन तर्फ जाँदै गरेको बा ४ ख ४४७० नम्बरको मिनिबस आफै अनियन्त्रित भै सडकमा पल्टिएको हो ।
उक्त दुर्घटनामा परि १३ जना यात्रुहरु घाईते भएको इलाका प्रहरी कार्यालय आँबुखैरेनीले जानकारी दिएको छ । यस्तै घाईतेहरुको आँबुखैरेनी अस्पतालमा उपचार भैरहेको पनि प्रहरीले बताएको छ । विहान ८ बजेको समयमा एक मिनेटको अन्तरालमा दुर्ई वटा सवारी दुर्घटना भएको स्थानीय प्रत्यक्षदर्शीहरुले बताएका छन् ।
