इच्छाखबर संवाददाता
आँबुखैरेनी : तनहुँको आँबुखैरेनीबाट लागुऔषधसहित एक जना पक्राउ परेका छन । पृथ्वीराजमार्ग अन्तरगत तनहुँको आँबुखैरेनी गाउँपालिका वडा नम्बर ४ बेनिटारबाट सवारी साधनहरु चेकजाँच गर्ने क्रममा भरतपुर महानगरपालिका वडा नं. २ बस्ने वर्ष २८ को प्रबिन कुमार गुरुङलाई साथमा लुकाई छिपाई ल्याएको डाइजेपाम, फेनरागन र नुफिन गरी ४२ थान एम्पूल नियन्त्रित लागु औषध सहित पक्राउ गरिएको हो । पक्राउ परेका गुरुङलाई जिल्ला अदालत, तनहुँबाट म्याद थप गरी थप अनुसन्धान भइरहेको इलाका प्रहरी कार्यालय आँबुखैरेनीले जनाएको छ ।
