इच्छाखबर संवाददाता
मुग्लिन : पहिरोका कारण मुग्लिन –मलेखु सडक अवरुद्ध बनेको छ । इलाका प्रहरी कार्यालय मुग्लिनका अनुसार पृथ्वीराजमार्ग अन्तरगत चितवनको इच्छाकामना ४ नाग्दीखोलामा बुधबार बिहान ७ : ३० बजे पहिरो खसेपछि मुग्लिन–मलेखु सडक अवरुद्ध बनेको हो ।
अहिले पहिरो पञ्छाउने कार्य सुरु भएको इलाका प्रहरी कार्यालय मुग्लिनका प्रहरी निरिक्षक निरला भण्डारीले जानकारी दिनुभयो ।
