इच्छाखबर संवाददाता
कुरिनटार : नारायणगढ–मुग्लिन सडकमा टेलर दुर्घटना हुदाँ दुई जना घाइते भएका छन् । जिल्ला प्रहरी कार्यालय चितवनका अनुसार आज दिउँसो ४ बजे पोखराबाट बिरगञ्ज तर्फ जादैँ गरेको ना ८ ख ८७०५ नं. को खाली टेलर आफै अनियन्त्रित भई चितवनको भरतपुर महानगरपालिका २९ स्थित जुगेडी पुलबाट खस्दा टेलर चालक पर्साको बिरगञ्ज महानगरपालिका २८ बगही बस्ने बर्ष २३ को सन्तोष महतो र बर्ष २१को मनिलाल महतो घाइते भएका हुन् । घाइते दुबै जनाको अवस्था मध्यम रहेको जिल्ला प्रहरी कार्यालय चितवनका सुचना अधिकारी प्रहरी नायव निरिक्षक भेषराज रिजालले जानकारी दिनुभयो । घाइतेहरुको नयाँ मेडिकल कलेज भरतपुरमा उपचार भई रहेको छ । टेलर घटनास्थलमा रहेको उहाँले बताउनुभयो ।
