इच्छाखबर संवाददाता
चितवन : चितवनको ईच्छाकामना ३ की मृगौला पिडित बिरामीलाई आर्थिक सहयोग गरिएको छ । मृगौलामा समस्या देखिएपछि सहयोगको याचना गरेकी ईच्छाकामना ३ की मित्र कुमारी गुरुङ्ग लाई सहयोग हस्तान्तरण गरिएको हो । ईच्छाकामना गाउँपालिकाकी निवर्तमान अध्यक्ष गीता कुमारी गुरुङ्गको पहलमा प्रबासी मुलुक अमेरीकाबाट सहयोग रकम प्राप्त भएको हो ।
पिडितको सहयोगका लागी ६२ हजार पाँच सय १६ रुपैँया सहयोग रकम मकाउ जनसम्पर्क समितिका सस्थापक अध्यक्ष तथा नेपाली कांग्रेस महासमिति सदस्य (हाल) अमेरिकाबाट अम्बिर जोशीले संकलन गरेको बताउनुभयो । जसमा राप्ती समाज अमेरिकाले १२० डलर,कृष्णजिबी पन्त १०५ डलर, अम्बिर जोशी १०१ डलर, माधब जोशी १०१ डलर र श्यामकाजी गुरुङ्गले ५० डलर सहयोग प्रदान गरेका थिए ।
अमेरिकाबाट संकलित रकम ईच्छाकामना गाउँपालिका पुर्बअध्यक्ष तथा नेपाली कांग्रेस महासमिति सदस्य गीता कुमारी गुरुङ्ग, तरुण दल केन्दि«य सदस्य दिपक अधिकारी , नेपाल विद्यार्थी संघ केन्द्रिय सदस्य सजना पौडेल, नेपाली कांग्रेस भरतपुर नगर सचीव प्रनिसा गुरुङ्ग , जिल्ला सदस्य तेजेन्द्र कुवर, तरुण नेता राजकुमार गुरुङ्ग लगाएत को उपस्तिथिमा प्रदान गरिएको थियो ।
सहयोग रकम हस्तान्त्रण गर्दै ईच्छाकामना गाउँपालिका निवर्तमान अध्यक्ष तथा नेपाली कांग्रेस महासमिति सदस्य गीता कुमारी गुरुङ्गले प्रबासमा रहेका नेपाली दाजुभाईले नेपालीलाई दु्ख पर्दा खुलेर सहयोग गर्ने गरेको बताउदै धन्यवाद समेत ज्ञापन गर्नुभयो । सहयोग रकमले निम्न बर्गीय पिडित परिवारमा खुसी छाएको छ ।
