इच्छाखबर संवाददाता
चितवन : चितवनमा गैडाको आक्रमणबाट एक जना घाइते भएका छन् । बाघमारा सामुदायिक वनमा आज (मंगलबार) बिहान करिब १० बजे न्युरो टिप्न गएका कुन्दन लामालाई गैंडाले आक्रमण गरेको हो । रत्ननगर नगरपालिका वडा नम्बर ८ का ३१ बर्षीय लामालाई उपचारको लागि नयाँ मेडिकल कलेज भरतपुरमा ल्याइएको छ । लामाको अनुहार र छातीमा चोट लागेको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिनुभयो ।
