इच्छाखबर संवाददाता
चितवन- नेपाल प्रेस युनियनको उपाध्यक्षमा संस्थापनइतरका शिव लम्सालको प्यानलबाट चुनावी मैदानमा रहेका चितवन बाट पत्रकारिता सुरुवात गरेका नकुल अर्याल विजयी भएका छन् ।
दुई जना खुला उपाध्यक्षका लागि भएको निर्वाचनमा अर्याल सर्वाधिक मतसहित विजयी भएका हुन् ।अर्यालसँगै खुला उपाध्यक्षमा संस्थापन पक्षका भिष्मराज ओझा पनि विजयी भएका छन् । नेपाल पत्रकार महासंघका पूर्व केन्द्रीय सदस्य समेत रहेका अर्याल प्रेस युनियनको काठमाडौं जिल्ला अध्यक्ष समेत रहिसकेका छन् ।
अध्यक्षमा भने सिब लम्साल विजयी भएका छन् । पदाधिकारीसहित केन्द्रीय कार्य समितिका अधिकांश पदमा पनि लम्साल प्यानलकै बाहुल्य भएको छ ।
८ वर्षअघि संस्थापन पक्षका बद्री सिग्देलसँग पराजित भएका लम्सालले यसपटक संस्थापनकै अनिता बिन्दूलाई पराजित गरेका छन् ।
युनियनको महासचिवमा पनि लम्साल प्यानलकै दिलिप पौडेल निर्वाचित भएका छन् ।
