इच्छाखबर संवाददाता
चितवन : चोरीका मोटरसाइकल सहित दुई जना पक्राउ परेका छन् । गोरखाको शहिद लखन गाउँपालिका वडा नम्बर ४ जुग्दीटारका ३४ बर्षिय लोक बहादुर थापा र चितवनको इच्छाकामना ३ का कमल गुरुङ पक्राउ परेका हुन् । हिजो साँझ ५ बजेको समयमा गोरखा शहिदलखन ४ जुग्दीटार स्थित सडकखण्डमा सोही स्थान बस्ने बर्ष ३४ को लोक बहादुर थापाले चलाई आएको बा. ८३ प. ३८९३ नं.को १५० सि.सि.को मोटरसाईकल रोकी चेकजाँच गर्ने क्रममा निज चालकले सवारी दर्ता किताब पेश गर्न नसकेको र अस्वभाविक व्यवहार प्रर्दशन गरेकोले निजलाई नियन्त्रणमा लिई प्रारम्भिक सोधपुछ गरेका थिए । उक्त मोटरसाईकल उनले चितवन इच्छाकामना ३
बस्ने बर्ष ३१ को कमल गुरुङ मार्फत खरीद गरेको भनि खुलाएका थिए । उक्त मोटरसाईकल मिति २०७९।०१।०५ गते चितवनको खैरहनी १ बाट चोरी भएको खुल्न आएको जिल्ला प्रहरी कार्यालय गोरखाले जनाएको छ । उक्त चोरी भएको मोटरसाईकल बरामद गरी मोटरसाईकल सहित लोक बहादुर थापा र कमल गुरुङलाई थप अनुसन्धान तथा कारवाहीको लागि ईलाका प्रहरी कार्यालय खैरहनी चितवनमा पठाईएको जिल्ला प्रहरी कार्यालय गोरखाले जनाएको छ ।
