इच्छाखबर संवाददाता
चितवन : चितवनमा ४८८ जना कोरोना संक्रमित थपिएका छन् । स्वास्थ्य कार्यालय चितवनकाअनुसार जिल्लामा पछिल्लो २४ घण्टामा ४८८ जना संक्रमित थपिएका हुन् ।८९४ जनामा परीक्षण गर्दा ४८८ जनामा संक्रमण भेटिएको हो ।
कार्यालयका अनुसार भरतपुर महानगारपालिकामा ३७४,खैरहनी नगरपालिकामा ११,माडीमा २०,रत्ननगरमा ५४,राप्तमिा १८, कालिकामा ५ र इच्छाकामनामा ६ जना नयाँ संक्रमित थपिएका हुन् । पछिल्लो २४ घण्टामा संक्रमितको मृत्यु भने भएको छैन । एक जना मात्रै संक्रमित संक्रमणमुक्त भएका छन् ।
यसंगै आज जिल्लामा सक्रिय संक्रमितको संख्या २३ सय ५९ पुगेको छ । जसमध्ये २३ सय १३ जना होम आइसोलेसनमा छन् भने ४६ संक्रमित अस्पताल आइसोलेसनमा छन् ।
हाल सम्म संक्रमितको संख्या २९ हजार ६३१ पुगेको छ भने ४३७ जनाको मृत्यु भएको स्वास्थ्य कार्यालयउ चितवनले जनाएको छ ।
