इच्छाखबर संवाददाता
दाङ,१७ भदौ । खोलाले गाडी बगाउँदा चारजनाको मृत्यु भएको छ। जिल्ला प्रहरी कार्यालय दाङका अनुसार दाङको घोराही – लमही सडक खण्डको घोराही उपमहानगरपालिका ४ सिस्ने खोलामा आएको बाढीले प्रदेश ०३– ०१ –०२४ च ४४४० नम्बरको कारलाई बगाउँदाँ घोराही उपमहानगरपालिका १३ बस्ने ४० वर्षीया रिता माया पुन, सोही ठाउँकी ३२ वर्षीया सुशीला श्रेष्ठ, घोराही १४ की ३१ वर्षीया राधा कुँवर र सोही ठाउँकी ४२ वर्षीया विमला केसीको मृत्यु भएको हो ।
गाडी चालक घोराही १५ का ४० वर्षीया नरबहादुर पुन भने घाइते भएका छन् । उनको खुट्टा भाँचिएको र राप्ती स्वास्थ्य विज्ञान प्रतिष्ठानमा उपचार भैरहेको प्रहरीले जनाएको छ।
