इच्छाखबर संवाददाता
काठमाडौं माधव नेपाल समूहले केन्द्रीय कमिटी बैठक बोलाएकोमा नेकपा एमालेले आपत्ति जनाएको छ। उक्त समूहले आजका लागि बोलाएको केन्द्रीय कमिटी बैठकमा सहभागी नहुन नेताहरुलाई एमाले संस्थापनले आग्रह गरेको हो।
एमालेको केन्द्रीय कार्यालयका सचिव शेरबहादुर तामाङले विज्ञप्ति जारी गरी यही साउन २१ गते पार्टीको कुनै आधिकारिक बैठक नभएको जनाएका छन्।
एमालेको माधवकुमार नेपाल पक्षले आज बैठक आह्वान गरेको छ। हिजो बस्ने भनिएको केन्द्रीय सदस्यहरुको बैठक स्थगित भएको थियो तर तयारी नपुगेको भन्दै बैठक आज बिहान ११ बजे सम्मलाई सारिएको एमाले नेता वेदुराम भुषालले जानकारी दिए। बैठक बुद्धनगरको क्वालिटी पार्टी प्यालेसमा बस्ने छ। बैठक पार्टी एकता र सरकारलगायतका विषयमा छलफल गर्न वरिष्ठ नेता नेपालले बैठक बोलाएका हुन्।
