इच्छाखबर संवाददाता
काठमाडौं : सत्तारुढ दल नेपाल कम्युनिष्ट पार्टी (नेकपा)को आइतबार डाकिएको सचिवालय बैठक स्थगित भएको छ। प्रधानमन्त्रीको स्वास्थ्य अस्वस्थताका कारणले नेकपाको सचिवालय बैठक स्थगित भएको हो।
पार्टी एकताको प्रक्रियाबारे छलफल गर्नको लागि डाकिएको बैठक स्थगित भएको प्रधानमन्त्रीको प्रेस संयोजक सूर्य थापाले जानकारी दिनुभयो ।
प्रधानमन्त्री ओलीले शनिबार डायलासिस गराएकाले चिकित्सको सल्लाहअनुसार आरामको लागि बैठक स्थगन गरेको उहाँले बताउनुभयो ।
।
आइतबार डाकिएको सचिवालय बैठकको एजेण्डाको विषयमा प्रधानमन्त्री ओलीले शनिबार अध्यक्ष पुष्पकमल दाहाल प्रचण्डसँग छलफल गर्नुभएको गियो । तर, आजको बैठक प्रधानमन्त्रीको स्वास्थ्य अवस्थाको कारणले बस्न सकेन।
पार्टी एकतापछि २१ महिनापछि बसेको केन्द्रीय कमिटीको बैठकले १५ दिनभित्रमा पार्टी एकताको बाँकी प्रक्रिया पूरा गर्ने निर्णय गरेको थियो। सोही विषयमा छलफल गर्नको लागि सचिवालय बैठक डाकिएको थियो।
