इच्छाखबर संवाददाता
धादिङ ,
मोटरसाइकल दुर्घटनामा परी धादिङका संचारकर्मी घाईते भएका छन् ।
समाचार संकलनको क्रममा सिद्धलेक ४ आरुवासटार बाट गजुरी गाँउपालिका स्थित पिडातर्फ जाने क्रममा पत्रकार बिवेक अर्याल र सुुुुशिल थापा दुर्घटनामा परेका हुन् ।
गजुरी गाँउपालिका स्थित पिडाको विभिन्न स्थानमा अबैध ढंगले खेती गरियको भनियको गाँजाको धादिङप्रहरीद्धारा फडानी सम्बन्धी समाचार संकलनको लागी जाँदै गर्दा बुधवार बिहान ठिक ९ः३० बजेको समयमा पत्रकार अर्याल र थापा सवार बा३४प४९६१ नं.को एफजेट मोटरसाईकल आरुवासटार र मलेखु जोड्ने झोलुङ्गे पुलमा ब्रेक फेल भई अनियन्त्रीत भएर दुर्घटना भएको हो ।
दुर्घटनमा सौर्य दैनिकका पत्रकार अर्यालसंगै अनलाईन धादिङ डट्कम् तथा नेपाल फोटो पत्रकार संघ धादिङका जिल्ला सदस्य शुसील थापा घाईते भएका हुन ।
दुर्घटनामा परी पत्रकार अर्यालको नाक मुख ओठ हातको पाखुरा घुंडा तथा कम्मरमा चोट लागेको छ भने अर्का पत्रकार थापाको हात, च्यापु र खुट्टामा सामान्य चोट लागेको छ ।
पत्रकार अर्याल र थापाको अहिले राजमार्ग सामुदायिक अस्पताल मलेखुमा सामान्य उपचार पस्चात् घर पठार्यएको उपचारमा संलग्न डाक्टर केशव मकाजुले जानकारी दिए ।
डाक्टर मकाजुका अनुसार पत्रकार अर्याल र थापाको स्वास्थ्य अवस्था सामान्य रहेको छ ।
