इच्छाखबर संवाददाता
काठमाडौं २१ जेठ । भोली जेठ २२ गते मुस्लिम धर्मावलम्बीको पर्व ईद उल फित्रका अवसरमा सरकारले सार्वजनिक बिदा दिने निर्णय गरेको छ।
गृह मन्त्रालयले मंगलबार साँझ सूचना जारी गर्दै भनेको छ, ‘जेठ १० गतेको मन्त्रिपरिषदले मुस्लिम धर्मावलम्बीहरुको पर्व ‘इदुल्ल फित्र’का दिन सार्वजनिक बिदा दिने निर्णय गरेको र उक्त पर्व जेठ २२ गते पर्ने भएकाले भोलि सार्वजनिक बिदा हुनेछ।’
यसअघि सञ्चार तथा सूचना प्रविधिमन्त्री गोकुल बाँस्कोटाले पत्रकार सम्मेलनमार्फत मन्त्रिपरिषदका निर्णय सार्वजनिक गर्दै इदमा सार्वजनिक बिदा दिने निर्णय भएको जानकारी दिएका थिए। २३ गतेलाई दिएको सार्वजनिक विदा २२ गते पर्व परेकाले एकदिन अगाडि सारिएको हो ।
