इच्छाखबर संवाददाता
चितवन, २९ माघ । सिटी एक्सप्रेस मनि ट्रान्सफरको आयोजनामा मलेसियामा सम्पन्न ‘सिटी एक्सप्रेस धुर्मुस सुन्तली साँझ २०७५’ सम्पन्न भएको छ ।
‘गौतम बुद्ध अन्तर्राष्ट्रिय क्रिकेट रङ्गशाला’ घोषणा गरे पश्चात रङ्गशाला निर्माणकै सहयोगार्थ मलेसियाका तिन वटा शहरहरु क्वालालम्पुर, जोहोर बाह्रु र पेनाङमा सिताराम कट्टेल (धुर्मुस) र कुन्जना घिमिरे (सुन्तली) लगायत अन्य कलाकारहरुको उपस्थितिमा कार्यक्रम सम्पन्न भएको थियो ।
कार्यक्रममा उपस्थित दर्शकले मनोरञ्जनका साथै स्वः स्फुर्त तिनवटै कार्यक्रममा रङ्गशाला निर्माण अभियानलाई आफुले सकेको सहयोग पनि खुलेर गरेका थिए ।
कार्यक्रम स्थलबाट रु २० लाख ७१ हजार रङ्गशाला अभियानलाई सहयोग प्राप्त भएको छ भने आयोजक सिटी एक्सप्रेसको तर्फबाट रु. १५ लाख थप गरी जम्मा ३५ लाख ७१ हजार ‘गौतम बुद्ध अन्तर्राष्ट्रिय क्रिकेट रङ्गशाला’ निर्माणलाई सहयोग प्राप्त भएको छ ।
