इच्छाखबर संवाददाता
गोरखा,१५ माघ । प्रथम नव स्मृति कप खुल्ला भलिबल प्रतियोगिता हुने भएको छ । श्री नव स्मृति यूवा परिवार सहिद लखन गाउँपालिका वडा न.४ जुग्दी राईनाशको आयोजनामा प्रतियोागिता हुने भएको हो ।
यूवाहरु नै सामाजिक परिवर्तनको वाहक हुन् भन्ने मूल नाराका साथ सहिद लखन गाउँपालिका ४ जुग्दी राईनाशको खेल मैदानमा फागुन १८ गते देखि २० गते सम्म प्रतियोगिता संचालन हुने श्री नव स्मृति यूवा परिवारका अध्यक्ष लक्ष्मण काप्रीले जानकारी दिनुभयो ।
प्रतियोगिताका विजेताले रु. ५० हजार नगद ट्रफी , मेडल र प्रमाण पत्र प्राप्त गर्ने छन् । दोश्रो र तेस्रो हुनेले क्रमश नगद रु. ३० हजार र रु. २० हजार तथा ट्रफी मेडल र प्रमाणपत्र प्राप्त गर्नेछन् । साथै विभिन्न विद्याका उत्कृष्ट खेलाडीहरुलाई पुरस्कृत गरिने आयोजकले जनाएको छ ।
कार्यक्रममा गोरखाका ख्याती प्राप्त राष्ट्रिय तथा एसियन भलिबल रेफ्रि बिकास गुरुङ र नेपाली राष्ट्रिय भलिबल खेलाडी धन बहादुर भट्टलाई सम्मान गरिने अध्यक्ष काप्रीले जानकारी दिनुभयो । साथै सांस्कृतिक कार्यक्रम पनि हुने आयोजकले जनाएको छ ।
प्रतियोगिताको मिडिया पार्टनरको रुपमा इच्छाकामना एफएम कुरिनटार र इच्छाखबर डटकम रहेका छन् ।
