इच्छाखबर संवाददाता
आँबुखैरेनी, १८ जेष्ठ । पृथ्वी राजमार्ग अन्तर्गत तनहुँको आँबुखैरेनी गाउँपालिका वडा नं. २ नारीघाटमा गएराती एउटा जे.सी.बी. मा आगलागी भएको छ । शेर बहादुर गुरुङ्गको ग.१ त. ३१८८ नम्बरको जे.सी.बी. मा गएराती सवा १ बजे आगलागी भएको इलाका प्रहरी कार्यालय आँबुखैरेनीले जनाएको छ ।
के कारणले जे.सी.बी. मा आगलागि भएको भन्ने बारे अहिले सम्म खुल्न नसकेको प्रहरी निरीक्षक सन्तोष रोक्काले बताउनुभएको छ । कसैको रिसिइबीका कारण अथवा इन्जिनको आफ्नै कारणले आगलागि भएको हो की भन्नेबारे प्रहरीले थप अनुसंधान जारी राखेको छ ।
