एकै रातमा फिस्लिङ बजारका चार पसलमा चोरी

हिरालाल गुरुङ

चितवन, (इच्छाकामना) २८ फागुन । फिस्लिङको चार वटा पसलमा चोरी भएको छ । गएराती चितवनको इच्छाकामना ३ फिस्लिङमा रहेको सम्झना श्रेष्ठको किराना पसल,पशुपती बुढाथोकीको किराना पसल र रम्जान दिन मियाँको कपडा पसल र तारा बहादुर गुरुङको जुत्ता पसलमा चोरी भएको हो ।पशुपती बुढाथोकीको पसलबाट रु २ लाख,सम्झना श्रेष्ठको ३७ हजार र रम्जान दिन मियाँको कपडा पसलबाट रु ३७ हजार गरि २ लाख ७२ हजार नगदचोरी भएको निवेदन आएको इलाका प्रहरी कार्यालय मुग्लिनका प्रमुख प्रहरी निरिक्षक धर्म बहादुर केसीले जानकारी दिनुभयो । तारा बहादुर गुरुङको जुत्ता पसलमा पनि चोरी भएको जानकारी आएको निरिक्षक केसीले बताउनुभयो । उनको निवेदन भने परेको छैन ।
सम्झना किराना पसलमा चोरले एउटा चक्कु समेत छाडेर गएको छ । चोरहरुको खोजी कार्य भइरहेको प्रहरीले जनाएको छ ।

सम्बन्धित समाचार

यो छुटाउनुभयो कि?