इच्छाखबर संवाददाता
चितवन, ६ फागुन।नारायणगढ–मुग्लिन सडकखण्ड अन्तर्गत चितवनको दासढुङगामा यात्रुवाहक वस दुर्घटनामा परेको छ । नारायणढबाट गोरखा जांदै गरेको ग १ ख ४०२१ नम्वरको वस दुर्घटनामा परेको हो । आज (आइतवार) ४ बजे भएको सो दुर्घटनामा २३ यात्रु घाइते भएका छन् । घाइते मध्य केहीको अवस्था मध्यम र केहीको सामान्य रहेको प्रहरी चौकी जुगेडीका प्रहरी नयाव निरिक्षक सुरेश पालले जानकारी दिनुभयो । घाइते मध्य १७ जनाको पुरानो मेडिकल कलेज भरतपुर र ६ जनाको भरतपुर अस्पतालमा उपचार भैरहेको छ । बसले ओभरटेक गर्न खोज्दा दुर्घटना भएको गाडीमा सवार यात्रुले वताएका छन् ।
