इच्छाखबर संवाददाता
मुग्लिन: चितवनको इच्छाकामना ५ मुग्लिनमा भोली न्यू इयर फुड एण्ड फेस्ट २०८२ हुने भएको छ । नयाँ बर्षको उपलक्ष्यमा शुभकामना आदान प्रदानसहित कार्यक्रम हुने भएको हो ।
मगर संघ मुग्लिन इकाइ समितिको आयोजनामा हुने कार्यक्रममा राष्ट्रिय तथा स्थानीय कलाकारहरुको प्रस्तुती रहने छन् । चर्चित गायिका शान्तारानी परियार,पृथ्वी गुरुङ, चन्द्र परियार,सरिता गुरुङ, गोविन्दबाबु रिजाल, सक्षम सिलवाल लगायतको प्रस्तुती रहने कार्यक्रमका संयोजक राकेश थापाले जानकारी दिनुभयो । साथै दी एपोलो ब्याण्ड मुग्लिनको लाइभ ब्याण्ड सो र स्थानीय लोक नृत्य तथा विधि सांस्कृतिक कार्यक्रम पनि हुने छ ।
नेवारी,मगर, थकाली,गुरुङ,चेपाङ थारु लगायतका जातजातीका परिकारहरुको स्वाद लिन पाइने संयोजक थापाले बताउनुभयो ।
कार्यक्रम विहान ११ बजेदेखि बेलुकी ९ बजे सम्म हुने छ । टिकट शुल्क रु २५० रहेको छ ।
