इच्छाखबर संवाददाता
बिप्लप नेतृत्वको नेकपा ले गरेको बन्द को कारण देश भरको जनजिबन प्रभावित भएको छ। इच्छाकामना आसपासको जनजिबन पनि प्रभाबित छ। स्कुल क्याम्पस बन्द छन भने लामो दुरिको सवारी साधन नचल्दा यात्रुले हैरानी भोगेका छन।
आफ्नो कार्यकर्ता हत्याको जबाफमा गरिएको बन्दको अवज्ञा गरेको भन्दै मकवानपुरमा सवारी साधनमाथी आगजनी गरिएको छ।मकवानपुर चौकिटोलमा सोमबार बिहान ना ७ ख ९४९३ नम्बरको खाली ट्रकमा आगो लगाएका हुन्। उक्त ट्रक जल्दा जल्दै प्रहरीले आगो निभाएको थियो। ट्रकको अगाडिको केही भाग जलेको जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक यज्ञप्रसाद भट्टराईले जानकारी दिए।
बन्दको पुर्बसन्ध्यामा हिजो देश्को विभिन्न स्थानमा बिस्फोट गराइदा ४ जनाले ज्यान गुमाएका थिए भने ६ जना घाइते भएका थिए ।टाइमर बम को टाइम मिलाउन नजान्दा बिप्लपको आफ्नै कार्यकर्ता ले पनि ज्यान गुमाएका हुन। बिस्फोटको गराउन तयारी गरिरहदा ७ कार्यकर्ता समेत प्रहरिको फन्दामा परेकाछन।
