इच्छाखबर संवाददाता
काठमाडौं,२३ माघ । गाडी जलाएको अभियोगमा पक्राउ परेका नेविसंघका तीन कार्यकर्ताविरुद्ध प्रहरीले सार्वजनिक अपराधको मुद्धा चलाएर अनुसन्धान अघि बढाएको छ।
संघको पूर्व घोषित विरोध कार्यक्रमअन्तर्गत पोखरामा जिल्ला शिक्षा अधिकारीको बा १ झ ५८७९ नम्बरको सरकारी गाडी जलाएका थिए। गाडी जलाएपछि पाँच जनालाई कास्की प्रहरीले प्रक्राउ गरेका थियो । तीमध्ये तीन जना हिरासतमै छन्।
पक्राउपरेका लक्ष्मी पौडेल र राजेन्द्र बराल रिहा भएका छन् भने डिफान भुजेल, पर्शुराम बस्नेत र विजय पौडेलविरुद्ध प्रहरीले मुद्दा चलाएको हो। पक्राउ परेका संघका कार्यकर्तालाई छुटाउन नेविसंघले सरकार विरुद्ध चरणवद्ध आन्दोलन सुरु गरेको छ।
