इच्छाखबर संवाददाता
इच्छाकामना, २७ बैशाख । इच्छाकामनामा विपद् प्रतिकार्यका लागि सामुदायिक पहल (CADRE) तालिम सम्पन्न भएको छ । नेपाल रेडक्रस सोसाइटी चितवन जिल्ला शाखा (CORD II)को कार्यक्रम अन्तरगत इच्छाकामना गाउँपालिका वडा न ४ कुरिनटारमा सम्पन्न तालिमको एक कार्यक्रमकाबीच बुधबार समापन गरिएको हो ।
बैशाख १९ गते देखि २६ गते सम्म दुई चरणमा संचालन गरिएको चार दिने तालिममा गाउँपालिकाका सात वटै वडाका ४८ जनाको सहभागीता रहेका थिए ।
कार्यक्रम प्रमुख कोर्स कोडिअनेटर महेश्वर थपलीय, कार्यक्रम अधिकृत उत्तमनाथ शर्मा सुजन विक सन्तोष महर्जन,गंगालामीछाने, र अम्बिका ढकाल तालिमका प्रशिक्षक रहेका थिए ।
समापन कार्यक्रमका प्रमुख अतिथि नेपाल रेडक्रस सोसाईटी चितवन जिल्ला शाखाका सभापती ज्ञानशाली गौतमले इच्छाकामाा गाउँपालिका अन्तरगत रहेका सडकमा दिनहु हुने सडक दुर्घटना, खहरे खोलाको बाढी पहिरो , जस्ता जोखिमयूक्त विकट भएकाले यो तालिम महत्वपुर्ण रहेको बताउनुभयो ।
आफुहरुले सिकेको ज्ञान र सीपलाई फिल्डमा गएर सदुपयोग गरि समुदायका अन्य व्यक्तिहरुलाई पनि ज्ञान र सीप बाड्न सहभागीहरुलाई आग्रह गर्नुभयो ।
कार्यक्रममा सहभागीहरुको तर्फबाट आश्मा सिलवाल र सुधिर अधिकारीले मन्तव्य राखेका थिए । उनिहरुले आफुले सिकेको सीपलाई व्यावहारमा ल्याउने प्रतिवद्धता व्याक्त गरेका छन् ।
नेपाल रेडक्रस सोसाइटी मुग्लिन शाखाका सभापती काजि लामाको सभापतित्वमा सम्पन्न कार्यक्रममा वडा न ५ का अध्यक्ष मोदराज सिललावल,नेपाल रेडक्स सोसाइटी चितवनका सदस्य शालिग्राम पौडेल लगायतको आतिथ्य रहेको थियो ।
