इच्छाखबर संवाददाता
चितवन : नारायणी नदीको पुलबाट हामफालेर एक पुरुष बेपत्ता भएका छन् । आज बिहान करिब ७ बजे पुलबाट नदीमा हामफालेका हुन् । नारायणी नदीमा कुनै व्यक्तिले हामफालेको खबर आउना साथ प्रहरी टोलीले खोजतलास गरिरहेको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्य थापाले जानकारी दिनुभयो ।
यसैबिच पुलमा झोला भेटिएको छ । झोलाभित्र दाङको तुलसीपुर उपमहानगरपालिका वडा नम्बर–४ का ४५ वर्षीय अन्तुलप्रसाद गुप्ताको नागरिकता भेटिएको उहाँले जानकारी दिनुभयो ।
अहिले खोजी कार्य भइरहेको प्रवक्ता थापाले बताउनुभयो ।
