इच्छाखबर संवाददाता
मुग्लिङ- देशमा बढ्दो वायु प्रदूषणको को सुधारको माग राख्दै चितवनको इच्छाकामना गाउँपालिका ५ मुग्लिनका युवाहरुले जलवायु न्यायका लागि भन्दै स्वास्थ सतर्कता अपनाइ शान्तिपूर्ण र्यालीको आयोजना गरेकाछन । देशभर वायु प्रदुषण उच्च भई वातावरण अत्यन्त घातक अवस्थामा पुगेको छ । प्रकृतिमाथि मान्छेको अप्राकृतिक नियन्त्रणले देशभर फैलिएको डढेलो तथा धुवाँधलो न्यूनिकरण गर्नको लागि युवाहरुले केन्द्र, प्रदेश र स्थानीय सरकारसँग माग गरेका छन ।शनिबार स्वतस्फूर्त रुपमा मुग्लिनका र आसपासका युवाहरूले विभिन्न नारा लेखिएको प्लेकार्ड बोकि शान्तिपूर्ण रुपमा वायु प्रदूषण विरुद्धमा नारा लगाउँदै बजार परिक्रमा गरिएको हो । उनीहरुले जलवायु न्यायका लागि संघर्ष भन्दै ‘स्वच्छ हावा हाम्रो अधिकार’ ‘डढेलो बन्द गर’ ‘तिम्रो बोसो जलाउ तर जंगल होइन’ लगायतका प्लेकार्ड बोकेर बजार परिक्रमा गरेका हुन् । बजार परिक्रमा पश्चात र्याली कोणसभामा परिणत भएको थियो । कोणसभामा कार्यक्रमका अभियन्ता आकाश शेरचनले जलबायु परिवर्तनमा मानिसको अनावश्यक नियन्त्रणको बिरोध गर्दै कार्यक्रममा मुग्लिन कुरिनटार आसपासबाट उपस्थित हुने सम्पूर्ण युवाहरुलाई धन्यवाद दिएका थिए । कार्यक्रमलाई इलाका प्रहरी कार्यलय मुग्लिङको समेत साथ र सहयोग रहेको थियो।
