इच्छाखबर संवाददाता
चितवन : चितवनका प्रहरी प्रमुख नान्तिराज गुरुङ सहित नेपाल प्रहरीका २३ प्रहरी उपरिक्षक (एसपी)को सरुवा तथा पदस्थापन भएको छ । नेपाल प्रहरी मातहतका विभिन्न निकायमा कार्यरत ७ एसपीको सरुवा र भर्खरै डिएसपीबाट एसपीमा बढुवा भएका १६ एसपीको विभिन्न निकायमा पदस्थापन भएको हो ।
अधिकांश प्रहरी प्रधान कार्यालय र काठमाडौं उपत्यकामा कार्यरतको सरुवा हुँदा एक जना मात्र जिल्ला प्रहरी प्रमुखको सरुवा भएको छ । जिल्ला प्रहरी कार्यालय चितवनमा कार्यरत एसपी नान्तीराज गुरुङको अन्तर्राष्ट्रिय बिमानस्थल सुरक्षा कार्यालय, काठमाडौंमा सरुवा भएको छ भने उनको ठाउँमा जुनीयर प्रहरी अधिकृत शिक्षालय भरतपुर, चितवनमा कार्यरत ओम अधिकारीलाई ल्याइएको छ ।
