इच्छाखबर संवाददाता
इच्छाकामना : चितवनको इच्छाकामना ६ स्थित जलबिरेमा गत मंसिर २६ गते सवारी दुर्घटनामा परि घाइते भएका थप एक जनाको उपचारका क्रममा मृत्यु भएको छ ।
इच्छाकामना गाउँपालिका वडा नम्बर ६ थानी भञ्ज्याङ इनारपानीका ४६ बर्षिय चन्द्रमाया चेपाङको उपचारका क्रममा गएराती किर्तीपुर अस्पतालमा मृत्यु भएको उनका आफन्त लक्ष्मण चेपाङले जानकारी दिनुभयो ।
उक्त दुर्घटनाका कारण मृत्यु हुनेको संख्या चार जना पुगेको छ । दुई जना घटना स्थलमै र दुई जना उपचारको क्रममा मृत्यु भएको हो । जलबिरे –चण्डीभञ्ज्याङ ग्रामीण सडकमा चल्ने ना ४ च ५०५० नम्बरको बलेरो जीप अनियन्त्रित भई विजुलीको पोलमा ठोकेर दुर्घटना भएका थिए ।दुर्घटनाका घाइते एक जनाको उपचार भइरहेको छ । दुर्घटना परि दुई जनाको घटना स्थलमै
मृत्यु हुनका साथै १२ जना घाइते भएका थिए ।
